Rehmat TV Welcome to Rehmat TV
Related Articles
ਸੱਚਖੰਡ ਸ੍ਰੀ ਹਰਿਮਮੰਦਰ ਸਾਹਿਬ ਵਿਖੇ ਚਮਤਕਾਰ ਹੋਣੇ ਇਹ ਕੋਈ ਨਵੀ ਘਟਨਾ ਨਹੀ ਹੈ ਸਗੋ ਪੱਟੀ ਸਲਤਨਤ ਦੇ ਰਾਜੇ ਦੁਨੀ ਚੰਦ ਦੀ ਸੱਤਵੀ ਬੇਟੀ ਬੀਬੀ ਰਜਨੀ ਦੀ ਕਹਾਣੀ ਵੀ ਬੜੀ ਪੁਰਾਣੀ ਹੈ ਜਿਸ ਬਾਰੇ ਇਤਿਹਾਸ ਦੇ ਪੰਨਿਆ ਤੇ ਲਿਖਿਆ ਅੱਜ ਵੀ ਸਕੂਲਾਂ ਵਿੱਚ ਪੜਾਇਆ ਜਾਂਦਾ ਹੈ ਕਿ ਉਸ ਦੇ ਪਤੀ ਦਾ ਕੋਹੜ ਪਵਿੱਤਰ ਸਰੋਵਰ ਵਿੱਚ ਇਸ਼ਨਾਨ ਕਰਨ ਤੋ ਬਾਅਦ ਠੀਕ ਹੋ ਗਿਆ ਸੀ ਪਰ ਉਸ ਕਹਾਣੀ ਤੋ ਬਾਅਦ ਵੀ ਕਈ ਚਮਤਕਾਰ ਹੋਰ ਵੀ ਨੋਟਿਸ ਵਿੱਚ ਆਏ ਪਰ ਅੱਜ ਦੀ ਇਹ ਕਹਾਣੀ ਜੋ ਅਸੀਂ ਦੱਸਣ ਜਾ ਰਹੇ ਹਾਂ ਇਕ ਅਜਿਹੇ ਵਿਅਕਤੀ ਦੀ ਹੈ ਜੋ ਆਪਣੇ ਪੈਰਾਂ ਤੇ ਚੱਲਣ ਤੋਂ ਅਸਮਰੱਥ ਹੈ।
ਉਸਨੇ ਖੁਦ ਇਹ ਗੱਲ ਦੱਸੀ ਕਿ ਕਿਵੇਂ ਇੱਥੇ ਆਉਣ ਤੋਂ ਪਹਿਲਾ ਉਸਦੀ ਜ਼ਿੰਦਗੀ ਕਿੰਨੀ ਦੁੱਖਾਂ ਭਰੀ ਸੀ। ਉਸਨੂੰ ਆਪਣੀ ਜ਼ਿੰਦਗੀ ਦਾ ਕੋਈ ਉਦੇਸ਼ ਨਹੀਂ ਲੱਗ ਰਿਹਾ ਸੀ। ਇਕ ਦਿਨ ਆਪਣੇ ਦੋਸਤਾਂ ਦੇ ਕਹਿਣ ਤੇ ਉਹ ਇਥੇ ਸ਼੍ਰੀ ਦਰਬਾਰ ਸਾਹਿਬ ਆ ਗਿਆ। ਹੁਣ ਇੱਥੇ ਉਸਦੀ ਜ਼ਿੰਦਗੀ ਬਿਲਕੁਲ ਹੀ ਬਦਲ ਗਈ ਹੈ।ਇਹ ਕੋਈ ਪਹਿਲੀ ਘਟਨਾ ਨਹੀਂ ਹੈ ਇਸ ਤੋ ਪਹਿਲਾਂ ਵੀ ਸ੍ਰੀ ਦਰਬਾਰ ਸਾਹਿਬ ਕੰਪਲੈਕਸ ਵਿੱਚ ਅਜਿਹੇ ਚਮਤਕਾਰ ਹੁੰਦੇ ਰਹਿੰਦੇ ਹਨ ਅਤੇ ਹਰਿਆਣੇ ਦੇ ਸ਼ਹਿਰ ਪਾਣੀਪਤ ਦੇ ਇੱਕ ਨੌਜਵਾਨ ਦੀਆ ਅੱਖਾਂ ਵੀ ਇਸੇ ਤਰ੍ਹਾਂ ਹੀ ਠੀਕ ਹੋਈਆ ਸਨ ਜਿਹਨਾਂ ਵਿੱਚੋ ਰੋਸ਼ਨੀ ਚੱਲੀ ਗਈ ਸੀ
ਤੇ ਸ੍ਰੀ ਗੁਰੂ ਹਰਗੋਬਿੰਦ ਸਾਹਿਬ ਜੀ ਦੇ ਗੁਰਪੁਰਬ ਸਮੇਂ ਹੋਈ ਆਤਸ਼ਬਾਜੀ ਸਮੇਂ ਉਹ ਥੜਾ ਸਾਹਿਬ ਵਿਖੇ ਬੈਠਾ ਸੀ ਜਿਥੇ ਉਸ ਦੀਆ ਅੱਖਾਂ ਦੀ ਜੋਤ ਵਾਪਸ ਆ ਗਈ ਸੀ। ਇੇਸ ਤਰ੍ਹਾਂ ਇੱਕ ਬੀਬੀ ਵਰਿੰਦਰ ਕੌਰ ਤੇ ਉਸ ਦੇ ਪਤੀ ਨੂੰ ਤਿੰਨ ਡਾਕਟਰਾਂ ਨੇ ਔਲਾਦ ਪੈਦਾ ਕਰਨ ਤੋ ਅਸਮੱਰਥ ਦੱਸਿਆ ਪਰ ਗੁਰੂ ਘਰ ਵਿਖੇ ਇੱਕ ਸਾਲ ਪਰਕਰਮਾ ਦੀ ਧੁਲਾਈ ਦੀ ਸੇਵਾ ਕਰਨ ਉਪਰੰਤ ਸੰਗਤਾਂ ਵੱਲੋ ਕੀਤੀ ਅਰਦਾਸ ਨਾਲ ਉਹਨਾਂ ਦੇ ਘਰ ਪਹਿਲਾਂ ਬੇਟੀ ਤੇ ਫਿਰ ਬੇਟਾ ਪੈਦਾ ਹੋਇਆ ਸੀ।
ਉੱਘੇ ਸ਼ਾਇਸਦਾਨੀ ਸ਼੍ਰੀ ਵਾਸਤਵਾ ਦਾ ਕੈਂਸਰ ਰੋਗ ਵੀ ਇਥੋ ਹੀ ਠੀਕ ਹੋਇਆ ਸੀ। ਇਸ ਪ੍ਰਕਾਰ ਦੀਆ ਹੋਰ ਵੀ ਬਹੁਤ ਸਾਰੇ ਚਮਤਕਾਰ ਹੋ ਚੁੱਕੇ ਹਨ ਜਿਹੜੇ ਸਾਹਮਣੇ ਨਹੀ ਆਏ। ਗੱਲ ਸ਼ਰਧਾ ਦੀ ਹੈ ਜੋ ਵੀ ਇਥੇ ਆ ਕੇ ਸ਼ਰਧਾ ਦੇ ਨਾਲ ਸੇਵਾ ਕਰਦਾ ਹੈ ਉਸ ਦੀ ਮਨੋਕਾਮਨਾ ਜ਼ਰੂਰ ਪੂਰੀ ਹੁੰਦੀ ਹੈ। ਅੱਜ ਸਾਰਾ ਦਿਨ ਸ੍ਰੀ ਦਰਬਾਰ ਸਾਹਿਬ ਵਿਖੇ ਇਸ ਘਟਨਾ ਨੂੰ ਲੈ ਕੇ ਕਾਫੀ ਚਰਚਾ ਜਾਰੀ ਰਹੀ ਤੇ ਸੰਗਤਾਂ ਗੁਰੂ ਸਾਹਿਬ ਦਾ ਕੋਟਿੰਨ ਕੋਟਿ ਧੰਨਵਾਦ ਕਰ ਰਹੀਆ ਸਨ।
