ਮੁਸਮਾਨਾਂ ਨਾਲ ਸਿੱਖ ਗੁਰੁ ਸਹਿਬਾਂ ਦੀ ਦੋਸਤੀ .. ਹਰ ਧਰਮ ਦੇ ਬੰਦੇ ਲਈ ਇਹ ਦੇਖਣੀ ਜਰੂਰੀ ਹੈ..

ਬਹੁਤ ਵਾਰੀ ਇੱਕ ਸਵਾਲ ਉਠਾਇਆ ਜਾਂਦਾ ਹੈ ਕਿ ਗੁਰੂ ਗੋਬਿੰਦ ਸਿੰਘ ਜੀ ਮੁਸਲਮਾਨਾਂ ਦੇ ਖਿਲਾਫ ਸਨ ਇਸੇ ਕਰਕੇ ਉਹਨਾਂ ਨੇ ਮੁਸਲਮਾਨਾਂ ਖਿਲਾਫ ਲੜਾਈਆਂ ਲੜੀਆਂ ਸਨ। ਬਹੁਤ ਪੜੇ ਲਿਖੇ ਇਹ ਵੀ ਕਹਿ ਦਿੰਦੇ ਕਿ ਗੁਰੂ ਗੋਬਿੰਦ ਸਿੰਘ ਜੀ ਇਸ ਕਰਕੇ ਮੁਸਲਮਾਨਾਂ ਦੇ ਖਿਲਾਫ ਸਨ ਕਿ ਔਰੰਗਜੇਬ ਮੁਸਲਮਾਨ ਸੀ ਜਿਸਨੇ ਗੁਰੂ ਤੇਗ ਬਹਾਦਰ ਜੀ ਨੂੰ ਸ਼ਹੀਦ ਕੀਤਾ ਸੀ। ਸੋ ਅੱਜ ਅਸੀਂ ਇਸੇ ਪੱਖ ਨੂੰ ਤੁਹਾਡੇ ਸਾਹਮਣੇ ਰਖਾਂਗੇ ਕਿ ਜੋ ਇਹ ਝੂਠ ਲੋਕਾਂ ਵਿਚ ਫੈਲਾਇਆ ਗਿਆ ਕਿ ਉਹ ਸਹੀ ਹੈ ਜਾਂ ਨਹੀਂ ??
ਗੁਰੂ ਗੋਬਿੰਦ ਸਿੰਘ ਜੀ ਦਾ ਫੁਰਮਾਨ ਹੈ “ਮਾਨਸ ਕੀ ਜਾਤ ਸਬੈ ਏਕੈ ਪਹਿਚਾਨਬੋ” ਤੇ ਇਸ ਫੁਰਮਾਨ ਦੇ ਰਚਨਹਾਰ ਗੁਰੂ ਗੋਬਿੰਦ ਸਿੰਘ ਜੀ ਫਿਰ ਖਾਸ ਲੋਕਾਂ ਯਾਨੀ ਮੁਸਲਮਾਨਾਂ ਖਿਲਾਫ ਕਿਵੇਂ ਹੋ ਸਕਦੇ ਹਨ ?? ਅਸਲ ਦੇ ਵਿਚ ਇਹ ਨਫਰਤ ਸਿੱਖ ਕੌਮ ਵਿਚ ਉਹਨਾਂ ਹਿੰਦੂਤਵੀ ਲੋਕਾਂ ਨੇ ਭਰੀ ਹੈ ਜੋ ਸਿੱਖਾਂ ਨੂੰ ਗੁਲਾਮ ਬਣਾਕੇ ਰੱਖਣਾ ਚਾਹੁੰਦੇ ਹਨ। ਭਾਰਤੀ ਹਕੂਮਤ ਸਿੱਖਾਂ ਦੇ ਦਿਮਾਗ ਵਿੱਚ ਬੱਸ ਇਹੀ ਗੱਲ ਵਾੜਣ ‘ਤੇ ਲੱਗੀ ਹੋਈ ਹੈ ਕਿ ਹਰ ਮੁਸਲਮਾਨ ਸਿੱਖਾਂ ਦਾ ਦੁਸ਼ਮਣ ਹੈ। ਇੱਕ ਪਾਸਿਓਂ ਇਹ ਨਫਰਤ ਪਾਕਿਸਤਾਨ ਨਾਲ ਭਾਰਤ ਦੀ ਦੁਸ਼ਮਣੀ ਕਰਕੇ ਵੀ ਹੈ ਕਿ ਭਾਰਤ ਤਾਹੀਂ ਸੁਰਖਿਅਤ ਹੈ ਜੇਕਰ ਸਿੱਖ ਭਾਰਤ ਦੇ ਨਾਲ ਹਨ ਤੇ ਇਸੇ ਕਰਕੇ ਪਾਕਿਸਤਾਨ ਤੇ ਮੁਸਲਮਾਨਾਂ ਖਿਲਾਫ ਇਸ ਨਫਰਤ ਨੂੰ ਸ਼ਹਿ ਦਿੱਤੀ ਜਾਂਦੀ ਹੈ। Image result for guru gobind singhਇੱਕ ਗੱਲ ਹੋਰ ਬੜੀ ਚਤੁਰਾਈ ਨਾਲ ਸੋਸ਼ਲ ਮੀਡੀਆ ਤੇ ਪੋਸਟ ਕੀਤੀ ਜਾਂਦੀ ਹੈ ਕਿ ਗੁਰੂ ਗੋਬਿੰਦ ਸਿੰਘ ਜੀ ਨੇ ਇੱਕ ਵਾਰੀ ਸਰੋਂ ਦੇ ਤੇਲ ਵਿਚ ਆਪਣੀ ਬਾਂਹ ਡੁਬੋ ਕੇ ਤੇ ਫਿਰ ਬਾਂਹ ਨੂੰ ਤਿਲਾਂ ਨਾਲ ਲਬੇੜਕੇ ਸਿੱਖਾਂ ਨੂੰ ਕਿਹਾ ਸੀ ਜਿੰਨੇ ਇਹ ਤਿਲ ਮੇਰੀ ਬਾਂਹ ਤੇ ਲੱਗੇ ਹਨ,ਜੇਕਰ ਇਹਨੀ ਵਾਰੀ ਵੀ ਕੋਈ ਮੁਸਲਮਾਨ ਆਪਣੇ ਤੇ ਯਕੀਨ ਕਰਨ ਨੂੰ ਕਹੇ ਤਾਂ ਵੀ ਸਿੱਖ ਨੇ ਉਸ ਮੁਸਲਮਾਨ ਤੇ ਯਕੀਨ ਨਹੀਂ ਕਰਨਾ। ਹੁਣ ਅਜਿਹੇ ਲੋਕਾਂ ਨੂੰ ਬੰਦਾ ਪੁੱਛੇ ਜੇਕਰ ਗੁਰੂ ਸਾਹਿਬ ਦਾ ਇਹ ਹੁਕਮ ਸੀ ਫਿਰ ਗੁਰੂ ਸਾਹਿਬ ਤੇ ਪੀਰ ਬੁੱਧੂ ਸ਼ਾਹ ਦਾ ਪਿਆਰ ਕਿਉਂ ਸੀ ?? ਪੀਰ ਬੁੱਧੂ ਸ਼ਾਹ ਨੇ ਦਸਵੇਂ ਪਾਤਸ਼ਾਹ ਤੋਂ ਆਪਣੇ ਪੁੱਤਰ ਤੇ ਮੁਰੀਦ ਕਿਉਂ ਵਾਰੇ ਸਨ ?? ਜੇਕਰ ਗੁਰੂ ਸਾਹਿਬ ਮੁਸਲਮਾਨਾਂ ਦੇ ਖਿਲਾਫ ਸਨ ਤਾਂ ਜਦੋਂ ਗੁਰੂ ਜੀ ਉੱਚ ਦਾ ਪੀਰ ਬਣੇ ਸਨ ਤਾਂ ਉਹਨਾਂ ਨੇ ਭਾਈ ਗਨੀ ਖਾਂ ਤੇ ਭਾਈ ਨਬੀ ਖਾਂ ਨੂੰ ਆਪਣੇ ਪੁੱਤਰ ਕਿਉਂ ਕਿਹਾ ਸੀ ?? ਇਹ ਗੱਲ ਮੰਨਦੇ ਹਾਂ ਕਿ ਔਰੰਗਜੇਬ,ਵਜੀਰ ਖਾਨ,ਜਕਰੀਆ ਖਾਨ,ਮੱਸਾ ਰੰਘੜ, ਫਰੁਖਸੀਅਰ ਮੁਸਲਮਾਨ ਸਨ ਤੇ ਉਹਨਾਂ ਨੇ ਗੁਰੂ ਸਹਿਬਾਨ ਤੇ ਜ਼ੁਲਮ ਕੀਤੇ ਪਰ ਇਸਦਾ ਮਤਲਬ ਇਹ ਨਹੀਂ ਕਿ ਗੁਰੂ ਸਾਹਿਬ ਨੇ ਮੁਸਲਮਾਨਾਂ ਨੂੰ ਨਫਰਤ ਕੀਤੀ। ਗੁਰੂ ਨਾਨਕ ਪਾਤਸ਼ਾਹ ਨਾਲ ਸਾਰੀ ਉਮਰ ਸਾਥੀ ਰਿਹਾ ਭਾਈ ਮਰਦਾਨਾ ਵੀ ਤਾਂ ਮੁਸਲਮਾਨ ਸੀ। ਰਾਏ ਬੁਲਾਰ, ਦੌਲਤ ਖਾਂ ਲੋਧੀ, ਸਾਂਈ ਅੱਲ੍ਹਾ ਦਿੱਤਾ,ਹਮਜ਼ਾ ਗੌਂਸ, ਸਾਂਈ ਬੁੱਢਣ ਸ਼ਾਹ,ਪੀਰ ਦਸਤਗੀਰ,ਬਹਿਲੋਲ ਦਾਨਾ, ਸੱਯਦ ਹਾਜੀ ਅਬਦੁੱਲ ਬੁਖਾਰੀ,ਹਮਾਯੂੰ, ਅੱਲਾਹ ਯਾਰ ਖਾਂ ਜੋਗੀ, ਸ਼ਾਹ ਹੁਸੈਨ, ਅਕਬਰ, ਸਾਂਈ ਹਜ਼ਰਤ ਮੀਆਂ ਮੀਰ, ਭਾਈ ਸੱਤਾ ਤੇ ਭਾਈ ਬਲਵੰਡ, ਭਾਈ ਨੱਥਾ ਤੇ ਭਾਈ ਅਬਦੁਲਾ,ਸਾਂਈ ਦੌਲੇ ਸ਼ਾਹ,ਬਾਬਕ ਰਬਾਬੀ, ਖਵਾਜ਼ਾ ਰੌਸ਼ਨ,ਸੱਯਦ ਸ਼ਾਹ ਜਾਨੀ, ਦਾਰਾ ਸ਼ਿਕੋਹ, ਮੁਹੰਮਦ ਖਾਂ ਪਠਾਣ ਗੜ੍ਹੀਨਜ਼ੀਰ, ਦਰੋਗਾ ਅਬਦੁੱਲਾ ਖਵਾਜ਼ਾ, ਸਾਂਈ ਭੀਖਣ ਸ਼ਾਹ, ਕੋਟਲਾ ਨਿਹੰਗ ਖਾਂ,ਬੀਬੀ ਕੌਲਾਂ, ਬੀਬੀ ਮੁਮਤਾਜ ਬੇਗਮ, ਭਾਈ ਗਨੀ ਖਾਂ ਤੇ ਭਾਈ ਨਬੀ ਖਾਂ,ਕਾਜੀ ਪੀਰ ਮੁਹੰਮਦ, ਕਾਜੀ ਚਰਾਗ ਦੀਨ, ਕਾਜੀ ਇਨਾਇਤ ਅਲੀ ਨੂਰਪੁਰੀਆ, ਰਾਏ ਕੱਲ੍ਹਾ,ਨੂਰਾ ਮਾਹੀ, ਭਗਤ ਸ਼ੇਖ ਫਰੀਦ ਜੀ, ਭਗਤ ਭੀਖਣ ਜੀ,ਸਧਨਾ ਜੀ,ਭਾਈ ਕਮਾਲ ਜੀ,ਪੀਰ ਦਰਗਾਹੀ ਸ਼ਾਹ ਆਦਿ ਉਹ ਰੂਹਾਂ ਹੋਈਆਂ ਜੋ ਮੁਸਲਮਾਨ ਸਨ ਪਰ ਇਹਨਾਂ ਨੇ ਗੁਰੂ ਨਾਨਕ ਦੇਵ ਜੀ ਤੋਂ ਲੈ ਕੇ ਗੁਰੂ ਗੋਬਿੰਦ ਸਿੰਘ ਜੀ ਤੱਕ ਤੇ ਉਸਤੋਂ ਬਾਅਦ ਵੀ ਸਿੱਖ ਪੰਥ ਨਾਲ ਸਾਂਝ ਨਿਭਾਈ। Image result for guru gobind singhਮਲੋਰਕੇਟਲਾ ਦਾ ਬਾਦਸ਼ਾਹ ਸ਼ੇਰ ਮੁਹੰਮਦ ਖਾਂ ਜਿਸਨੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਛੋਟੇ ਸਾਹਿਬਜ਼ਾਦਿਆਂ ਦੇ ਹੱਕ ਵਿੱਚ ਹਾਅ ਦੀ ਨਾਰਾ ਮਾਰਿਆ ਸੀ। ਇਹਨਾਂ ਵਰਗੇ ਮਹਾਨ ਇਤਿਹਾਸਕ ਪਾਤਰਾਂ ਨਾਲ ਗੁਰੂ ਘਰ ਜਾ ਕੀ ਰਿਸ਼ਤਾ ਰਿਹਾ ਹੈ? ਦੁਸ਼ਮਣੀ ਵਾਲਾ ਜਾਂ ਦੋਸਤੀ ਵਾਲਾ ?? ਜੇਕਰ ਸਾਡੇ ਗੁਰੂ ਨੇ ਇਹਨਾਂ ਨਾਲ ਦੋਸਤੀ ਨਿਭਾਈ ਫਿਰ ਅਸੀਂ ਇਹਨਾਂ ਦੇ ਦੁਸ਼ਮਣ ਕਿਵੇਂ ?? ਸਿੱਖ ਵਿਦਿਆਰਥੀਆਂ/ ਇਤਿਹਾਸਕਾਰਾਂ ਨੂੰ ਚਾਹੀਦਾ ਹੈ ਕਿ ਉਹ ਖੋਜ ਕਰਕੇ ਉਹਨਾਂ ਮੁਸਲਮਾਨਾਂ ਬਾਰੇ ਵੀ ਦੱਸਣ, ਜਿੰਨ੍ਹਾਂ ਨੇ ਗੁਰੂ-ਘਰ ਨਾਲ ਪ੍ਰੀਤਾਂ ਨਿਭਾਈਆਂ ਹਨ।ਜਿਨ੍ਹਾਂ ਨੇ ਧਰੋਹ ਕਮਾਇਆ, ਉਹਨਾਂ ਬਾਰੇ ਦੱਸਣ ਵਾਲੇ ਤਾਂ ਬਥੇਰੇ ਹਨ। ਚਲੋ ਆਖਰੀ ਗੱਲ ਕਰਕੇ ਖਿਮਾ ਦੇ ਜਾਚਕ ਹੋ ਜਾਣਾ…. ਗੁਰੂ ਗੋਬਿੰਦ ਸਿੰਘ ਜੀ ਨੇ ਆਪਣੀ ਜਿੰਦਗੀ ‘ਚ 14 ਜੰਗਾਂ ਲੜੀਆਂ ਤੇ 14 ਦੀਆਂ 14 ਹੀ ਜੰਗਾਂ ਜਿੱਤੀਆਂ।Image result for guru gobind singh ਇਹਨਾਂ 14 ਜੰਗਾਂ ਵਿਚੋਂ 13 ਜੰਗਾਂ ਗੁਰੂ ਸਾਹਿਬ ਜੀ ਨੂੰ ਹਿੰਦੂ ਪਹਾੜੀ ਰਾਜਿਆਂ ਨਾਲ ਲੜਨੀਆਂ ਪਈਆਂ ਤੇ 1 ਜੰਗ ਔਰੰਗਜ਼ੇਬ ਦੇ ਖਿਲਾਫ। ਉਹ ਵੀ ਹਿੰਦੂ ਪਹਾੜੀ ਰਾਜਿਆਂ ਦਵਾਰਾ ਔਰੰਗਜ਼ੇਬ ਨੂੰ ਭੜਕਾਉਣ ‘ਤੇ ਹੀ ਗੁਰੂ ਜੀ ਨੂੰ ਉਹ ਜੰਗ ਮੁਗਲ ਹਕੂਮਤ ਨਾਲ ਲੜਨੀ ਪਈ। ਹੁਣ ਤੁਸੀਂ ਆਪ ਹੀ ਸੋਚ ਲੋ ਪਿਆਰਿਓ ! ਗੁਰੂ ਗੋਬਿੰਦ ਸਿੰਘ ਜੀ ਤੇ ਗੁਰੂ ਦੇ ਸਿੱਖ ਮੁਸਲਮਾਨਾਂ ਖਿਲਾਫ ਨਹੀਂ ਹਨ…ਜ਼ੁਲਮ ਖਿਲਾਫ ਹਨ ਤੇ ਹਮੇਸ਼ਾ ਰਹਿਣਗੇ ਭਾਵੇਂ ਉਹ ਜ਼ੁਲਮ ਮੁਸਲਮਾਨ ਧਰਮ ਦਾ ਔਰੰਗਜੇਬ ਕਰੇ ਤੇ ਭਾਵੇਂ ਹਿੰਦੂ ਧਰਮ ਦੀ ਇੰਦਰਾ ਗਾਂਧੀ….ਅੱਗੇ ਤੋਂ ਕੋਈ ਕਹੇ ਕਿ ਸਿੱਖ ਜਾਂ ਗੁਰੂ ਸਾਹਿਬ ਮੁਸਲਮਾਨਾਂ ਦੇ ਖਿਲਾਫ ਹਨ ਤਾਂ ਠੋਕ ਕੇ ਜਵਾਬ ਦਿਓ

About admin

Check Also

ਸਰਸੇ ਵਾਲੇ ਰਾਮ ਰਹੀਮ ਨੇ ਜੇਲ੍ਹ ਚੋਂ ਬਾਹਰ ਨਿਕਲਣ ਦਾ ਲਾ ਲਿਆ ਪੱਕਾ ਜੁਗਾੜ,ਦੇਖੋ ਪੂਰੀ ਖ਼ਬਰ

ਦੋ ਸਾਧਵੀਆਂ ਦਾ ਜਿਣਸੀ ਸ਼ੁਸ਼ਣ ਤੇ ਪੱਤਰਕਾਰ ਰਾਮਚੰਦਰ ਛਤਰਪਤੀ ਦੀ ਹੱਟਿਆ ਕਰਨ ਦੇ ਮਾਮਲਿਆਂ ‘ਚ …

Leave a Reply

Your email address will not be published.