ਹਜ਼ੂਰ ਸਾਹਿਬ ਗੋਦਾਵਰੀ ਤੋਂ ਗਾਗਰ ਭਰਨ ਦੀ ਸੇਵਾ | Takht Hazur Sahib | Godavari

ਦਸਮੇਸ਼ ਪਿਤਾ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨਾਲ ਸਬੰਧਿਤ ਹੋਣ ਕਰਕੇ ਤਖ਼ਤ ਸੱਚਖੰਡ ਸ੍ਰੀ ਹਜ਼ੂਰ ਸਾਹਿਬ ਸਿੱਖਾਂ ਲਈ ਅਪਾਰ ਅਤੇ ਅਥਾਹ ਸ਼ਰਧਾ ਦਾ ਕੇਂਦਰ ਹੈ, ਪਰ ਮੁੱਢਲੇ ਤੌਰ ‘ਤੇ ਇਕ ਹੋਣ ਦੇ ਬਾਵਜੂਦ ਤਖ਼ਤ ਸੱਚਖੰਡ ਸ੍ਰੀ ਹਜ਼ੂਰ ਸਾਹਿਬ ਦੀ ਮਰਿਆਦਾ ਖ਼ਾਸ ਕਰਕੇ ਪੰਜਾਬ ਤੋਂ ਜਾਣ ਵਾਲੀਆਂ ਸੰਗਤਾਂ ਨੂੰ ਵੱਖਰੀ ਪ੍ਰਤੀਤ ਹੁੰਦੀ ਹੈ ਅਤੇ ਕਿਤੇ-ਕਿਤੇ ਅਚੰਭਿਤ ਵੀ ਕਰਦੀ ਹੈ | ਸ੍ਰੀ ਹਜ਼ੂਰ ਸਾਹਿਬ ਆਈਆਂ ਸੰਗਤਾਂ ਲਈ ਗਾਗਰੀਏ ਸਿੰਘ ਵਲੋਂ ਗੋਦਾਵਰੀ ਤੋਂ ਜਲ ਦੀ ਗਾਗਰ ਭਰ ਕੇ ਲਿਆਉਣ ਦਾ ਨਜ਼ਾਰਾ ਆਪਣੇ-ਆਪ ‘ਚ ਵਿਲੱਖਣ ਅਤੇ ਯਾਦਗਾਰੀ ਕਿਹਾ ਜਾ ਸਕਦਾ ਹੈ | ਮਰਿਆਦਾ ਮੁਤਾਬਿਕ ਤੜਕੇ 1.15 ਵਜੇ ਦੇ ਕਰੀਬ ਤਖ਼ਤ ਸਾਹਿਬ ਵਿਖੇ ਅਰਦਾਸ ਉਪਰੰਤ ਗਾਗਰੀਏ ਸਿੰਘ ਸਮੇਤ ਸੰਗਤ ਵਲੋਂ ਸਤਿਨਾਮ-ਵਾਹਿਗੁਰੂ ਦਾ ਜਾਪ ਕਰਦੇ ਹੋਏ ਸੱਚਖੰਡ ਤੋਂ ਗੋਦਾਵਰੀ ਨਦੀ ਦੇ ਤੱਟ ਵੱਲ ਚਾਲੇ ਪਾਏ ਜਾਂਦੇ ਹਨ | ਨੇੜਲੇ ਬਾਜ਼ਾਰਾਂ ਵਿਚੋਂ ਲੰਘਦੇ ਹੋਏ ਸ਼ਰਧਾਲੂ ਗੁਰਦੁਆਰਾ ਲੰਗਰ ਸਾਹਿਬ, ਗੁਰਦੁਆਰਾ ਭਜਨਗੜ੍ਹ, ਗੁਰਦੁਆਰਾ ਨਗੀਨਾ ਘਾਟ ਦੇ ਅੱਗੇ ਜਾਂਦੇ ਹੋਏ ਗੁਰਦੁਆਰਾ ਬੰਦਾ ਘਾਟ ਨੇੜਿਓਾ ਗੋਦਾਵਰੀ ਦੇ ਸਾਫ ਪਾਣੀ ਵਾਲੇ ਵਿਸ਼ੇਸ਼ ਸਥਾਨ ਵਿਖੇ ਅਰਦਾਸ ਕਰਨ ਮਗਰੋਂ ਜਲ ਦੀ ਗਾਗਰ ਭਰ ਕੇ ਵਾਪਸ ਸੱਚਖੰਡ ਸਾਹਿਬ ਪੁੱਜਦੇ ਹਨ, ਜਿਥੇ ਸੱਚਖੰਡ ਸਮੂਹ ਵਿਚ ਹੀ ਸਥਿਤ ਬਾਉਲੀ ਸਾਹਿਬ ਤੋਂ ਵੀ ਇਕ ਗਾਗਰ ਜਲ ਲੈ ਕੇ ਅੰਗੀਠਾ ਸਾਹਿਬ ਨੂੰ ਇਸ਼ਨਾਨ ਕਰਵਾਇਆ ਜਾਂਦਾ ਹੈ | ਇਹ ਵੀਡੀਓ ਪਹਿਲੀ ਵਾਰ ਇੰਟਰਨੈਟ ਤੇ ਉਪਲਬਧ ਕਰਵਾਈ ਗਈ ਗਈ ਹੈ ਸੋ ਵੀਡੀਓ ਨੂੰ ਵੱਧ ਤੋਂ ਵੱਧ ਸ਼ੇਅਰ ਕਰੋ ਤਾਂ ਜੋ ਜਿਹੜੀ ਸੰਗਤ ਅਜੇ ਤੱਕ ਇਸ ਅਸਥਾਨ ਦੀ ਸੇਵਾ ਵਿਚ ਹਾਜਰੀ ਨਹੀਂ ਵੀ ਲਵਾ ਸਕਦੀ ਉਹ ਵੀ ਇਸ ਸੇਵਾ ਦੇ ਦਰਸ਼ਨ ਕਰ ਸਕੇ|

About admin

Check Also

ਇਹ ਹੈ ਅਨੋਖੀ ਯਾਤਰਾ | Amritsar ਤੋਂ Sri Hazur Sahib ਤੱਕ ਪਰਿਵਾਰ ਸਮੇਤ ਪੈਦਲ ਯਾਤਰਾ

ਤਖ਼ਤ ਸੱਚਖੰਡ ਸ੍ਰੀ ਹਜ਼ੂਰ ਸਾਹਿਬ, ਸਾਹਿਬੇ ਕਮਾਲ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੇ ਜੀਵਨ ਦੇ …

Leave a Reply

Your email address will not be published.